Document 480

Nos Iacobus, et cetera, ad comunem omnium qui presentem cartam nostram inspecturi seu audituri sunt noticiam deducimus quod LaurenciusLaurencius, ioculatorioculator, de gentilite cecitatis errore ad lumen veritatis catholice se convertens, et a ritu tartarorum ad christianorum fidem transiens anno presenti, die dominica in festo Beati Laurencii martiris, a venerabili in Christo patre Petro, Tirasonensis episcopo, in ecclesia Sancte Marie Magdalene de Tirasona sancti baptismi suscepit lavacrum, nosque eum de sacro fonte suscepimus. Et quia die predicta Beati Laurencii extitit babtizatus est LaurenciusLaurencius nominatus. Hoc itaque cum presentis carte nostre testimonio notificamus ne de dicti LaurenciiLaurencii, presentis carte latoris conversione, per aliquem dubitetur. Rogantes amicos et devotos, et mandantes universis et singulis fidelibus et subditis nostris quod dictum LaurenciumLaurencium tractent favorabiliter et benigne, et nostro honore et precibus sibi, in quibus poterunt, se hostendant favorabiliter, nec permitant eundem ab aliquo vel aliquibus molestari vel indebite agravari; immo ipsum in iure suo manuteneant, protegant et deffendant. Et ad maiorem cautelam presentem cartam sibi fieri et nostro sigillo pendenti iussimus comuniri.
Data Cesarauguste VIIº idus septembris anno Domini MºCCCºXXº.
Petrus Marci mandato regio.